Тыдзень роднай мовы, які праходзіў у нашай школе з 19 па 23 верасня, быў вельмі багаты на разнастайныя цікавыя і пазнавальныя мерапрыемствы. У межах тыдня вучні ўдзельнічалі ў конкурсе творчых работ "За што я люблю родную зямлю", прэзентавалі вынікі даследчай дзейнасці, прысвечанай знакамітым паэткам- землячкам: Веры Буланда, Клаўдзіі Петрушэнка, Надзеі Якаўлеўны Мядзелец- ветэрана працы Лошніцкай сярэдняй школы, праявілі крэатыў і мастацкія здольнасці пры стварэнні віншавальных паштовак, у якіх гучалі шчырыя і сардэчныя пажаданні роднай мове, чыталі творы вядомых паэтаў Беларусі, а таксама вершы пра Лошніцу, Міншчыну, Беларусь, іх багатую гісторыю і прыгажосць прыроды, стваралі воблакі слоў. Вельмі зацікавіла вучняў выстава "Гаспадарчыя прылады", якая хутка пераўтварылася ў фотазону.